لە ئەنجامی هێرشێکی داعش بۆ سەر هێزێکی سوپای عێڕاقی لەسنوری قەزای دوبز دوو سەربازی سوپای عێراق کوژران .
ئەحمەد خورشید وتەبێژی هێزەکانی حەشدی عەشایەری سنوری حەویجە بەتۆڕی ھەواڵی ژیانی ڕاگەیاند، چەکدارانی داعش کاتژمێر ١١:١٠ خولەک لەڕێی دەستڕێژی گولـلە و بۆمبی چێنراوەوە، سوپای عێڕاقیان لەسنوری قەزای حەویجە کردۆتە ئامانج و هێرشەکە کوژرانی دوو سەربازی لێکەوتۆتەوە .
ئاماژەی بەوەشکرد ئەو دوو سەربازە سەر بە لیوای ٣٢ی فیرقەی هەشتی سوپای عێڕاقن، بەناوەکانی جاسم هاشم غەڕابی و حەیدەر حەمزە عەبدولحسێنە،
وتەبێژی ھێزەکانی حەشدی عەشایەری جەختی لەوەش کردەوە هێرشەکە لەسنوری گوندی خەبازەی سەر بەقەزای دوبز بووە لە نزیک پڕۆژەی ئاوی ناحیەی مولتەقا و لەئێستادا تەرمی کوژراوەکان ڕەوانەی پزیشکی دادی کەرکوک کراون .
ماوەیەکە چەکدارانی داعش هێرش و کردەوە ئەمنییەکانیان لە سنوری پارێزگای کەرکوک زیادکردووە و بەشێوەیەکی نیمچە رۆژانە هەڵدەکوتنە سەر هێزەکانی سوپا و حەشدی شەعبی لە سنورەکە