وەزارەتی تەندروستی و ژینگەی عێراق رایگەیاند، لە 24 کاتژمێری رابردوودا 2125 تووشبووی نوێی کۆرۆنا تۆمارکراون و 105 کەسی دیکەش بەهۆی ڤایرۆسەکەوە گیانیان لەدەستداوە .
وەزارەتی تەندروستی و ژینگەی عێراق، لە راگەیەندراوی ئەمڕۆیدا دواین ئامارەكانی تووشبوون بە كۆرۆنای بڵاوکردەوە و راگەیاند، بەپێی ئەو پشکنینانەی لە 24 کاتژمێری رابردوودا لە سەرتاسەری عێراق ئەنجامدراون، دوو هەزار و 125 حاڵەتی دیکەی تووشبوون بە ڤایرۆسی کۆرۆنای نوێ COVID-19 تۆمارکراون.
روونیشیکردووەتەوە، لەو ژمارەیە 461 حاڵەتیان لە بەغدا، 159حاڵەت لە نەجەف، 176 حاڵەت لە سلێمانی، 25 حاڵەت لە هەولێر، 3حاڵەت لە دهۆک، 146 حاڵەت لە کەربەلا، 41 حاڵەت لە کەرکوک، 65 حاڵەت لە دیالە، 86 حاڵەت لە واست، 159 حاڵەت لە دیوانە، 137حاڵەت لە بەسڕە، 100 حاڵەت لە میسان، 47 حاڵەت لە بابل، 357 حاڵەت لە زیقار، 16 حاڵەت لە ئەنبار، 40 حاڵەت لە موسەنا، 16 حاڵەت لە نەینەوا و 91 حاڵەتیش لە پارێزگای سەڵاحەدین تۆمارکراون .
ئەوەشی خستووەتەڕوو، هەر لە ٢٤ کاتژمێری رابردوودا 105 کەسی دیکە لە عێراق گیانیان لەدەستداوە کە هەڵگری ڤایرۆسی کۆرۆنای نوێ بوون، هەروەک هەزار و 940 نەخۆش بەتەواوەتی چاکبوونەتەوە و نەخۆشخانەیان جێهێشتووە .
وەزارەتی تەندروستی و ژینگەی عێراق راشیگەیاند، لە سەرەتای بڵاوبوونەوەی کۆرۆنا تاوەکو ئەمڕۆ، 60 هەزار و 479 کەس لە سەرتاسەری وڵات تووشی کۆرۆنا بوون کە لەو ژمارەیە دوو هەزار و 473 کەس گیانیان لەدەستداوە، 33 هەزار و 17 نەخۆشیش چاکبوونەتەوە و لە ئێستاشدا 24 هەزار و 989 تووشبووی کۆرۆنا لە نەخۆشخانە خەوێندراون کە باری تەندروستی 306 کەسیان ناجێگیرە و لەژێر چاودێری وردی پزیشکیدان.