سەنتەری میترۆ لە دهۆك بەدواداچوون بۆ كەیسی قارەمان شوكری دەكات رایگەیاند، تائێستا رێنادرێت نە پارێزەر و نە كەسوكاری بیبینن و ماوەی 13 رۆژ بەسەر دەستگیركردنەكەی تێپەر بووە نازاندرێت بە چی هۆكارێك دەستگیركراوە.
سەنتەری میترۆ لە دهۆك بەدواداچوون بۆ كەیسی قارەمان شوكری دەكات رایگەیاند، تائێستا رێنادرێت نە پارێزەر و نە كەسوكاری بیبینن و ماوەی 13 رۆژ بەسەر دەستگیركردنەكەی تێپەر بووە نازاندرێت بە چی هۆكارێك دەستگیركراوە.
ئەیهان سەعید، سەرپەرشتیاری سەنتەری میترۆ لە سنوری پارێزگای دهۆك، بە (
تۆڕی هەواڵی ژیان)ی راگەیاند: 27ی مانگی رابردوو رۆژنامەوان قارەمان شوكری لەلایەن ئاسایشی ناحیەی شیلادزێ بانگهێشتكراوە و ئەو خۆی چووەتە ئاسایش و بڕیاربووە تەنها بۆ ماوەی چەند خولەكێك بانگهێشت بكرێت، بەڵام لەوێ داوای مۆبایلەكەی لێدەكەن و دواتر دەخرێتە زیندانەوە.
سەرپەرشتیاری سەنتەری میترۆ لە بادینان وتیشی: ئەوەی كراوە كارێكی نایاساییە چونكە تا ئێستا رادەستی دادگا نەكراوە، هەرچەندە بە گوێرەی یاسا دەبوو لە هەفتەیەك زیاتر رانەگیرێت، تا ئێٍستا نازانرێت ئەو رۆژنامەوانە لەسەر چی تاوانێك دەستگیر كراوە.