بڕیارە ئەمڕۆ قاسم ئەعرەجی، راوێژکاری ئاسایشی نیشتمانی عێراق لەگەڵ وەفدێکی باڵای ئەمنی سەردانی شاری هەولێر بکات، بەپێی زانیارییەکان ئامانجی سەردانەکە بەمەبەستی بەدواداچوونە بۆ جێبەجێکردنی رێککەوتنی ئەمنی نێوان عێراق و ئێران.
بەپێی رێککەوتنی ئەمنی نێوان ئێران و عێراق دەبێت گروپە دژبەرەکانی ئێران لە هەرێمی کوردستان لە چەک دابماڵرێن و کەمپنشێن بکرێن، دوا وادە بۆ لە چەک داماڵینیان ١٩ ئەم مانگەیە، پێشتر ناسر کەنعانی وتەبێژی وەزارەتی دەرەوەی ئێران رایگەیاند، کە ئەو وادەیە درێژ ناکرێتەوە و ئەم بڕیارەمان بە هەردوو دەسەڵاتی عێراقی و هەرێمی کوردستان راگەیاندووە.
لەسەر ئەم پرسە حکومەتی عێراق رێوشوێنی ئەمنی گرتوەتەبەر و دەیەوێت رێککەوتنەکە بەبێ گرفت جێبەجێبکرێت و پابەندبوونی خۆی راگەیاندوە