سەرۆک وەزیرانی عێراق رایگەیاند، حکومەتی فیدراڵ کاردەکات بۆئەوەی باشترین پەیوەندی لەگەڵ ھەرێمی کوردستان ھەبێ و گفتوگۆکانی ھەرێم و بەغدادیش بەردەوامن.
محەمەد شیاع سودانی سەرۆک وەزیرانی عێراق لە 87ھەمین کۆبوونەوەی کۆمەڵەی نەتەوەیەکگرتووەکان رایگەیاند، حکومەتی فیدراڵ لە رێگەی سەرجەم دامودەزگا و فەرمانگەکانییەوە بە پلانێکی گشتگیر و فراوان کاردەکات بۆ ئەوەی باشترین پەیوەندی لەگەڵ ھەرێمی کوردستان ھەبێت.
ئەوەشی خستەڕوو، کاردەکەن بۆ ئەوەی بە ھەماھەنگی و کاری پێکەوەیی نێوان پارێزگاکانی عێراق و ھەرێمی کوردستان داھات و ئابووری عێراق زیاتر بەرەوپێش بەرن.
سەرۆک وەزیرانی عێراق جەختیشیکردەوە، ھەوڵەکانیان چڕکردووەتەوە بۆ رووبەڕووبوونەوەی گەندەڵی و گەندەڵکاران بەبێ رەچاوکردنی پلە و پۆستەکانیان لە حکومەتدا.