ئەمشەو تۆپخانەكانی توركیا ناوەندی ناحیەی كانی ماسێی سەر بە پارێزگای دهۆكیان تۆپباران كرد .
بە پێی زانیارییەكانی تۆڕی هەواڵی ژیان، ئەمشەو دوو گولـلەتۆپ لە دووری تەنیا 100 مەتر لە بینای بەڕێوەبەرایەتی ناحیەكەی داوە .
ئەمە یەكەمجارە توركیا ناوەندی ناحیەیەك تۆپباران بكات و تا ئێستاش حكومەتی هەرێم هیچ هەڵوێستێكی دەربارەی ئەو پەرەسەندنە نوێیە رانەگەیاندووە .
توركیا لە سنووری هەردوو پارێزگای هەولێر و دهۆكەوە دەیان كیلۆمەتر هاتووەتە ناو خاكی هەرێمی كوردستانەوە و نزیكەی 40 بنكەی سەربازیشی دروستكردووە.