ژووری ئۆپەراسیونی پارێزگای هەولێر لە راگەیەندراوێکدا بڵاویکردەوە، پاشنیوەڕۆی ئەمڕۆ شەممە ١٨ی٧ی٢٠٢٠، بە سەرپەرشتی پارێزگاری هەولێر کۆبوونەتەوە و لە کۆبوونەوەکەدا بڕیاریانداوە تاوەکو رۆژی سێشەممە ٢١ی٧ی٢٠٢٠، رێکارەکانی بەرەنگاربوونەوەی کۆرۆنا، بەهەمان شێوەی هەفتەی رابردوو بەردەوام بێت.

دەقی راگەیەندراوەکەی ژووری ئۆپەراسیۆنی پارێزگای هەولێر:

ڕاگەیندراوێک لە ژووری ئۆپەراسیۆنی پارێزگای هەولێر

دوای نیوه‌ڕی ئه‌مڕۆ شه‌مه‌ 2020.7.18، به‌سه‌رپه‌رشتی د.فرسه‌ت سۆفی پارێزگاری هه‌ولێر، ژووری ئۆپه‌راسیۆنی پارێزگای هه‌ولێر كۆبۆوه‌ و كۆبوونه‌وه‌ گه‌یشته‌ ئه‌م ده‌رنجامانه‌ی خواره‌وه‌ :-

١-له‌ كاتژمێر (12)ی ئه‌مشه‌و ١٨ له‌سه‌ر ١٩ی ٧ی٢٠٢٠، تاوه‌كو ڕۆژی سێشەمە ٢١ی٧ی٢٠٢٠، ڕێكاره‌كان و بڕیارەکانی ژووری ئۆپەراسیۆنی پارێزگای هەولێر به‌هەمان شێوه‌ی هەفتەی ڕابردوو بەردەوام ده‌بێت .

٢-ڕۆژی سێشەممە ٢١ی٧ی٢٠٢٠، لێژنەی باڵای ڕووبەڕووبوونەوەی کۆرۆنا بەئامادەبوونی وەزیری ناوخۆ و وەزیری تەندروستی حکومەتی هەرێمی کوردستان و سەرجەم پارێزگار و سەرپەرشتیاری یەکە ئیدارییە سەربەخۆکان و لایەنە پەیوەندیدارەکان کۆدەبێتەوە و تێیدا ڕێکاری تایبەت و بڕیاری سەرتاسەری بۆ تەواوی پارێزگاکان و یەکە سەربەخۆکان دەدرێت .

ژووری ئۆپەراسیۆنی پارێزگای هەولێر

2020.7.18