دانا عەبدولكەریم وەزیری ئاوەدانكردنەوە و نیشتەجێكردن، لە لێدوانێكدا بۆ فەرمانگەی میدیا و زانیاری حكومەتی هەرێمی كوردستان رایگەیاند، چەندین تونێل لە هەرێمی كوردستان دروست دەكەن كە یەكیان لە دەربەندیخان دەبێت و تونێلێكیش لە پێنجوێن لەبەر دەستدایە.
ئەو روونیشیكردەوە تونێلێكی دیكەش لە چیای مەتین جێبەجێ دەكرێت، ئەوە جگە لەوەی كە دروستكردن و نوێكردنەوەی رێگاوبانەكان بەگوێرەی كارنامەی حكومەت دەڕوات بەڕێوە.
ئەو باسی لەوەشكرد “ئەمساڵ توانرا پڕۆژەی تونێلی پیرمام بە ڕووی هاوڵاتیایندا بكرێتەوە و پڕۆژەی تونێلی شەقڵاوە و هەریر كاركردن تیایدا بەردەوامە."
ئەو وەزیرە لە سەرەتای دەستبەكار بوونی كابینەی نۆیەمی حكومەتی هەرێم رایگەیاند وەزارەتەكەی لە كارنامەی خۆیدا دروستكردنی سكەی شەمەندەفەری لەبەرنامەدایە.