ژمارەی تووشبووانی كۆرۆنا لە رۆژئاوای كوردستان بەرزبوویەوە و 27 تووشبووی دیكە تۆماركرا و گیان لەدەستدانی دوو كەسی دیكەش راگەیەندرا.
ئەمڕۆ پێنج شەممە دەستەی تەندروستی ئیدارەی خۆسەر لە باكور و رۆژهەڵاتی سوریا رایگەیاند: 27 تووشبووی دیكەی كۆرۆنا لە تۆماركراوە و دوو كەسی دیكەش گیانیان لەدەستداوە.
بەوەش كۆی ژمارەی تووشبووانی كۆرۆنا لەو ناوچانەی ئیدارەی خۆسەری تائێستا گەیشتووەتە 280 كەس و لە نێویاندا 17 هاوڵاتی گیانیان لەدەستداوە.
تا ئێستا لە سەرتاسەری سوریادا كە لە ریزبەندی 136 هەمین وڵاتی جیهاندایە لە زۆری ژمارەی تووشبوواندا هەزار و 927 كەس تووبوونیان بە ڤایرۆسەكە راگەیەندراوە و لە نێویاندا 78 كەس گیانیان لەدەستداوە، كە ئامارەكانی ئە وڵاتە لە نێویدا ئامارەكانی ئیدارەی خۆسەریش تۆمار كراوە.