سۆرانی  |  بادینی  |  English      

تەندروستی عێراق: 3965 کەسی دیکە تووشی کۆرۆنا بوون

  2020-08-22  | 
 تۆڕی هەواڵی ژیان
وەزارەتی تەندروستی عێراق ڕایگەیاند، لە ٢٤ کاتژمێری ڕابردوودا ٣٩٦٥ کەسی دیکە لەعێراق تووشی کۆرۆنا بوون و ٧٠ کەسیش بەهۆیەوە گیانیان لەدەستداوە.

وەزارەتی تەندروستی عێراق لەڕاگەیەندراوێکدا ئەمڕۆ بڵاویکردەوە، لەدوێنێوە تا ئەمڕۆ ٢٩٧٤ کەسی دیکە لەکۆرۆنا چاکبوونەتەوە.

ئاماژەی بەوەشکردووە، ئەمڕۆ ٢٠ هەزار و ٤٥٩ کەس پشکنینی کۆرۆنایان بۆکراوە و تا ئێستاش یەک ملیۆن و ٤١٣ هەزار و ٩٤٧ پشکنین ئەنجامدراوە.

بەگوێرەی ڕاگەیەندراوی وەزارەتی تەندروستی ڕێژەی چاکبوونەوە لە کۆرۆنا ٧١.٣% لە عێراق، بەشێوەیەک لە٢٤ کاتژمێری ڕابردوودالە هەولێر ٢١٤ کەس چاکبوونەتەوە و لە سلێمانی ١١٧ کەس و لەدهۆک ٢٠١ کەس و لە کەرکوک ١١٧ کەس چاکبوونەتەوە.

لەوەتەی کۆرۆنا لەعێراق بڵاوبووەتەوە تا ئێستا ٢٠١هەزار و ٥٠ کەس تووشی کۆرۆنا بوون و لەو ژمارەیەش ١٤٣هەزار و ٣٩٣ کەس چاکبوونەتەوە و ٦هەزار و٣٥٣ کەسیش گیانیان لەدەستداوە.