وەزارەتی ناوخۆی حکومەتی هەرێمی کوردستان ژمارەیەک بڕیاری لەبەرژەوندی قەزای چەمچەماڵ دەرکرد، لەوانەش کردنەوەی بنکەی پۆلیسی نەهێشتنی تاوانە لە چەمچەماڵ.
قائیمقامیەتی قەزای چەمچەماڵ ڕایگەیاند، دوابەدوای یاداشتی ژمارە ١٢ کە لە ڕۆژی ١/ ١٠/ ٢٠٢٠ بۆ وەزیری ناوخۆی هەرێمی کوردستانیان ناردووە، ئەمڕۆ یەکشەممە ٤/ ١٠/ ٢٠٢٠ بە فەرمانی وەزاری وەزارەتی ناوخۆ ژمارەیەک بڕیار لەبەرژەوەندی قەزای چەمچەماڵ دەرکراوە کە بریتین لە :
١ - کردنەوەی بنکەی پۆلیسی نەهێشتنی تاوان لە چەمچەماڵ .
٢ - کردنەوەی بنکەی پۆلیسی شارەوانی لە چەمچەماڵ .
٣ - هێنانەکایەی بەشی پۆلیسی بەرگری شارستانی و بەستنەوەی بنکەکانی ناحیەکان بەو بەشەوە .
٤- خەرجکردنی بڕی ٤٩ ملیۆن دینار بۆ تەواوکردنی بینای نوسینگەی پاسپۆرتی چەمچەماڵ .