فەرماندەیی ئۆپراسیۆنە هاوبەشەكانی عێراق، دوای كۆبوونەوەیان لەگەڵ شاندنی وەزارەتی پێشمەرگە لە بەغدا رایگەیاند توانیویانە بگەنە رێكەوتن و سێ خاڵ یەكلایی كراوەتەوە.
بەگوێرەی راگەیەندراوێكی شانەی راگەیاندنی سەربازی عێراق، دوای كۆبوونەوەی لیژنەی هەماهەنگی سەربازی و كاری ئەمنی هاوبەشی نێوان حكومەتی فیدڕاڵ و حكومەتی هەرێم گەیشتوونەتە سێ خاڵی هاوبەش بۆ كاروبارەكانی داهاتوویان.
بەگوێرەی ئەو رێكەوتنەی ئەمڕۆ لەنێوان هەردوو شاندەكە ئەنجامدراوە سەنتەرێكی هاوبەشی ئەمنی لە هەولێر و بەغدا دەكرێتەوە و لیژنەی ئەمنی و سەربازی و مەیدانی هاوبەش بۆ هەڵسەنگاندنی ئاستەنگە ئەمنیەكان دەكرێتەوە.
ئەو دوو هێزە رێكیشكەوتن لەسەر ئەوەی لە رووی ئەمنی و سەربازی لە سنوری دیالە دەست بكرێت بە دروستكردنی سەنتەری هەماهەنگی ئەمنی هاوبەش.
شانەی راگەیاندنی سەربازی عێراق ئەوەشی ئاشكراكردووە، رێكەوتوون لەسەر شێوازی كاركردنی بازگە و خاڵەكانی پەیوەندی هاوبەش و پلاندانان بۆ جێبەجێكردنی پرۆسەی سەربازی و ئەمنی هاوبەش دژ بە تیرۆر و تاوانەكان.