پۆلیسی کەرکوک ڕایگەیاند گروپێکی تیرۆرستیان دەستگیرکردوە کە دەستیان لە کردەوە توندوتیژییەکاندا هەبووە و بەنهێنی کاریان بۆ داعش کردوە.
عامر نوری لێپرسراوی ڕاگەیاندنی پۆلیسی کەرکوک بە(تۆڕی هەواڵی ژیان)ی
ووت هێزێکی ڕاسپێردراو لەلایەن فەرماندەی پۆلیسی کەرکوکەوە لەسەر بنەمای
زانیاری هەواڵگری و ئەمنی سەربازی توانیان تۆڕێکی تیرۆریستی کە پێکهاتوون لە پێنج
کەس دەستگیر بکەن کە ئەندامی چالاکی داعش بوون و لە ویلایەتی دیجلە کاریان دەکرد.
وتیشی کاری یەکێک لەو تیرۆریستانە گواستنەوە و بارکردنی کەرەستەی سەربازی
وخواردن وئامێرە ئەلیکتڕۆنیەکان بووە.
هەروەها یەکێکی تریان زانیاری لەبارەی جوڵەی هێزە عێراقیەکان بەداعش
دەدا وسەرجەمیان ڕادەستی هەواڵگری وڕوبەڕوبونەوەی تاوانی کەرکوک کران.