قەبارەی بەرهەمهێنان و هەناردەكردنی نەوت لە عێراقدا لە مانگی تشرینی دووەم (11) بەراورد بە مانگی پێشتر بەرێژەیەكی بەرچاو كەمی كردووە و هۆكارەكەشی بۆ نالەباری كەشوهەوا دەگەڕێتەوە.
كۆمپانیای سۆمۆ بەرهەمهێنان و هەناردەكردنی نەوتی لە مانگی رابردوو لە عێراق بڵاوكردەوە و رایگەیاند، لە مانگی تشرینی دووەم بەرهەمهێنانی نەوت رۆژانە 3 ملیۆن و 229 هەزار بەرمیل نەوت بووە ئەوەش بەراورد بە مانگی رابردوو بە ڕێژەی 5% دابەزیوە.
كۆمپانیای نیشتیمانی بەبازاڕكردنی نەوت لە عێراق لە ئامارەكانیدا دەشڵێت: لە مانگی رابردوو رۆژانە 2 ملیۆن و 709 هەزار بەرمیل نەوت هەناردە كراوە ئەوەش بەراورد بە مانگی پێشووتر بە رێژەی 6% دابەزینی بەخۆیەوە بینیوە.
كۆمپانیای سۆمۆ ئاماژەی بەوەشكردووە، دابەزینی هەناردەكردنی نەوتی لە وڵاتەكە لەماوەی مانگی تشرینی دووەم لەبەر خراپیی كەشوهەوا بووە كە بۆ ماوەی پێنج رۆژ بەردەوام بووە.