لە بەیاننامەیەکدا وەزارەتی ناوخۆیی عێراق بڵاویکردەوە، وەزارەتی ناوخۆ بە تەواوی ڕەتیدەکاتەوە، سەبارەت بەو زانیارییانەی  کە هەندێک میدیا و تۆڕی کۆمەڵایەتی نوسراوێکیان بڵاوکردووەتەوە، کە ئاماژە دەکەن بە ڕادەستکردنی تۆمەتبارێک بە لایەنێکی ئەمنی.

وەزارەتی ناوخۆ ئاماژەی بەوەشکردووە، ئە و نوسراوە ساختەیە و زانیارییەکانیش هەڵەن کە سەبارەت بە وەزارەتی ناوخۆ بڵاوکراونەتەوە.

وەزارەتی ناوخۆ جەختیشیکردووە، دیاردەی بڵاوبوونەوەی نوسراوی ساختەکراو، سەبارەت بە کاری یەکە ئەمنییەکان و پێکهاتەکانی وەزارەتی ناوخۆ نوێ نییە، بەڵکو پێشتریش نوسراوی ساختەی وای تر بڵاوکراونەتەوە، ئامانج لەو کارەش هەوڵێکە بۆ لاوازکردنی متمانەی هاوڵاتیان و ڕای گشتی بە کار و فەرمانەکانی وەزارەتی ناوخۆ و هێزەکانیان لە جێبەجێکردنی ئەرکەکانیان.

لە کۆتایی بەیاننامەکەدا وەزارەتی ناوخۆیی عێراق ئاماژەی بەوەشکردووە، بەردەوام دەبن لە هەوڵەکانیان بۆ دۆزینەوەی ئەو کەسانەی کە ئەو جۆرە نوسراوانە بڵاودەکەنەوە، بۆ ئەوەی لەبەردەم دادگا ڕابگیرێن و سزای دادپەروەرانەی خۆیان وەربگرن.

ئەوبەیاننامەیەی وەزارەتی ناوخۆیی عێراق لە کاتێکدایە، ئەمڕۆ نوسراوێک بڵاوکراوە کە ئاماژە دەکات بە ڕێککەوتنی نێوان هێزە ئەمنییەکانی سەر بە دەزگای هەواڵگری عێراق و گروپی عەسائیبی ئەهلولحەقی یەکێک لە پێکهاتەکانی ناو حەشدی شەعبی، کە سەرجەم گردبوونەوەکانی گروپە کشێنراوەتەوە، دوای ئەوەی ڕێککەوتن کراوە لەسەر ڕاستدەکرنەوەی ئەندامە دەستگیر کراوەکەیان بە هێزەکانی حەشدی شەعبی .

نوسراوەکەش لەلایەن ئەفسەری ئێشگری هەواڵگرییەوە ئاراستەی ئاژانسی هەواڵگری و لێکۆڵینەوەی فیدراڵی کراوە.