بەپێی راپۆرتەکەی دیلۆیت، لە چوارچێوەی پڕۆژەی وردبینی سەربەخۆی كەرتی نەوت و گاز لە هەرێمی كوردستان و وەك بەشێك لە دەستپێشخەری تایبەت بە شەفافییەت لە بەرنامەی کاری ئەنجومەنی وەزیران، حکومەتی هەرێمی کوردستان بە بەردەوامی هەڵسەنگاندن بۆ ئاشکراکردنی زانیاری سەربار دەکات بۆ پەرەپێدانی شەفافییەت لە بواری کەرتی نەوت و گاز.

ئاماژە بەوەش کراوە، کە حکومەتی هەرێمی کوردستان لە ساڵی 2017-ەوە بە بەردەوامی راپۆرتەکانی وردبینیکردنی کەرتی نەوت و گاز لە هەرێمی کوردستان پشتڕاستکراوە، لەلایەن کۆمپانیای (دیلۆیت)ەوە بۆ رای گشتی بڵاو دەکاتەوە و لە ساڵی (2019)ەشەوە داتا و زانیاری پێشکەش کردووە دەربارەی ڕەسیدی  پێشەکیدراو بە هەرێمی کوردستان کە قەرزاری کڕیارەکانی نەوتە، هەروەک لە ساڵی 2020دا  ئاشکراکردنی زانیارییەکان فراوان کران و هاوتاکردنی داتاکانی نێوان بەرهەمهێنان و هەناردەکان و بەکاربردنی ناوخۆشی گرتەوە.

بەپێی داتاکانی دیلۆیت، لە سەرەتای ساڵی 2020 تاوەکو مانگی 9- 2020، هەرێمی کوردستان بەبڕی 3 ملیار و 176 ملیۆن و 136 هەزار و 721 دۆلار نەوتی فرۆشتووە و دوای دەرکردنی پارەی حەقدەستی کۆمپانیاکانی نەوت و تێچووەکانی دیکە، ئەوەی کە سافی بۆ حکومەتی هەرێمی کوردستان ماوەتەوە، بڕی 1 ملیار و 831 ملیۆن و 781 هەزار و 964 دۆلار بووە .

-بۆ بینینی بەرهەمی نەوت و هەناردە و بەکاربردن و داهات لە ماوەی ١ی کانونی دووەمی ٢٠٢٠ تاکو ٣١ی ئاداری ٢٠٢٠ کلیک لێرە بکە.

-بۆ بینینی بەرهەمی نەوت و هەناردە و بەکاربردن و داهات لە ماوەی ١ی نیسانی ٢٠٢٠ تاکو ٣٠ی حوزەیرانی ٢٠٢٠ کلیک لێرە بکە.

-بۆ بینینی بەرهەمی نەوت و هەناردە و بەکاربردن و داهات لە ماوەی ١ی تەمموزی ٢٠٢٠ تاکو٣٠ ئەیلوولی ٢٠٢٠ کلیک لێرە بکە.