بەڕێوەبەری تەندروستی هەڵەبجە بۆ پشتیوانی قسەكانی باسی لەوەكرد" 50%ی ئەو پشكنینانەی رۆژانە ئەنجام دەدرێت پۆزەتیف دێتەوە ئەوەش بۆ خۆی ئاماژەیەكی مەترسیدارە".
بەڕێوەبەری تەندروستی شارەكە راشیگەیاند"ئەمڕۆ یان سبەینێ ئیتر پێداویستی تاقیگەیی نامێنێت و لە رووی پێداویستی پزیشكیشەوە رەوشی شارەكە خراپە".
ئازد مستەفا وتیشی"بڕیارە وەك بودجەیەكی پشتیوانی بەبڕی 170 ملیۆن دینار رەوانەی شارەكە بكرێت ئەگەر بەمزوانە رەوانە نەكرێت دۆخەكە خراپتر دەبێت توانای پشكنینمان نامێنێت".
بە گوێرەی دواین داتای فەرمی وەزارەتی تەندروستی لە شاری هەڵەبجە لە ئێٍستادا 120 توشبووی كۆرۆنا لە نەخۆشخانەكانی هەڵەبجەدا هەیە و 56 كەسیش چارەسەركراون و چوار كەسیش گیانیان لەدەستداوە بەوەش كۆی ژمارەی تووشبووانی شارەكە 180 كەس بووە.