وەزارەتی کارو کاروباری کۆمەڵایەتی عێراق ڕایدەگەیەنێت: بەم نزیکانە پیدانی قەرز بەدەرچوانی زانکۆ و ئەو گەنجانەی بێکارن و بەدوای کاردا دەگەڕین دەستپێدەکاتەوە.
نەجم عقابی، وتەبێژی وەزارەتی کار و کاروباری کۆمەڵایەتی رایگەیاند: بەگوێرەی یاسای پشتیوانی پڕۆژە بچوکەکان ژمارە ١٤ـی ساڵی ٢٠٢٣ و دوای گەڕانەوەی بەشێک لەو پارانەی وەک قەرز درابوون بە گەنجان، بڕیارە لە داهاتویەکی نزیکدا قۆناغێکی دیکەی پێدانی قەرزی بچوک دەستپێبکەنەوە"
هاوکات ئاماژەی بەوەشدا، .دەرچوانی زانکۆ و پەیمانگاکان و ئەوانەی بێکارن، لەرێگەی ئەلیکترۆنییەوە دەتوانن داواکاری بۆ وەرگرتنی قەرز پێشکەش بکەن.
شایانی باسە تائیستا دیارنییە ئەو بڕیارەی وەزارەتی کارو کاروباری کۆمەڵایەتی گەنجان و لاوان و دەرچوانی زانکۆ و پەیمانگاکانی هەرێم دەگرێتەوە یاخود نا.