ئەمشەو شاندێکی باڵای یەکێتی و پارتی لە هەولێر کۆدەبنەوە

  2020-07-26  | 
 تۆڕی هەواڵی ژیان
کەمێک لەمەوبەر شاندێکی باڵای یەکێتی نیشتیمانی کوردستان بە سەرۆکایەتی بافڵ تاڵەبانی، هاوسەرۆکی یەکێتی گەیشتنە ھەولێر و بڕیارە لەسەر ئاستی باڵا لەگەڵ پارتی دیموکراتی کوردستان کۆببنەوە .

شاندەکەی یەکێتی لەلایەن نێچیرڤان بارزانی، جێگری سەرۆکی پارتی دیموکراتی کوردستان، پێشوازی لێکراوە .

سەرچاوەیەک بە تۆڕی ھەواڵی ژیانی ڕاگەیاند "بڕیارە کاتژمێر ١٠ی ئەمشەو، لە بارەگای سەرۆکایەتیی هەرێمی کوردستان، شاندی یەکێتی و پارتی بۆ تاوتوێکردنی پرسە هەڵپەسێردراوەکانی نێوانیان کۆببنەوە ".

ئەوەش لە کاتێکدایە، کۆبوونەوەی ئەمڕۆی پەڕلەمان لەسەر داوای یەکێتی و خودی بافڵ تاڵەبانی، هەڵوەشایەوە و دواخرا بۆ ڕۆژی دووشەممە .

لەدوای کۆنگرەی چوارەمی یەکێتی و هەڵبژاردنی ئەنجوومەنی سەرکردایەتی و هاوسەرۆکایەتی، تا ئێستا هیچ کۆبوونەوەیەکی فەڕمی لەنێوان پارتی و یەکێتی نەکراوە .

ئەو کۆبوونەوەیەش لەکاتێکدایە، یەکێتی دەیەوێت لەسەر پرسە هەڵپەسێردراوەکان، لەگەڵ پارتی بگاتە ڕێککەوتن و لێکتێگەیشتنێکی هاوبەش .