لە بۆردومانێكدا لەسوریا 15 چەكداری عێراق كوژران

  2020-08-04  | 
 تۆڕی هەواڵی ژیان
روانگەی سوریا بۆ مافەكانی مرۆڤ بڵاویكردەوە، بەهۆی بۆردومانی فڕۆكەیەكی جەنگی نەناسراو لە ناوچەی ئەلبو كەمالی رۆژئاوای سوریا 15 چەكداری گروپە چەكدارەكانی نزیك لە ئێران كوژران .

بەگوێرەی بەیاننامەیەكی روانگەی سوریا، 15 چەكداریی گروپەكانی نزیك لە ئێران كە سەرجەمیان هەڵگری رەگەزنامەی عێراقی بون لەئەنجامی بۆردومانێكدا كوژراون .

باس لەوەشكراوە، بەرەبەیانی ئەمڕۆ ژمارەیەك فرۆكەی نەناسراو بۆردومانەكەیان لەبنكەی ئیمام عەلی لەسەرەتای ناوچەی ئەلبوكەمالی سنوری دێرەزوری رۆژئاوای سوریا ئەنجامدراوە، لەرێگەی ئۆتۆمبێلی سەربازیشەوە كوژراو و بریندارەكان رەوانەی ناو خاكی عێراق كراون .