تەنها لە ماوەی مانگی رابردوودا سوپای توركیا و گروپە چەكدارە سوریەكانی سەر بە توركیا 78 هاوڵاتی مەدەنی خەڵكی عەفرینیان فرشاندووە و كە لە نێویاندا چوار ژنی تێدا بووە.
ئیبراهیم شێخۆ، وتەبێژی ڕێكخراوی مافی مرۆڤی عەفرین، رایگەیاند، سوپای توركیا و گروپە چەكدارەكانی سەر بەو وڵاتە لە عەفرین لە ماوەی مانگی تەمموزدا 78 هاوڵاتیان فڕاندووە كە لە نێویاندا 12 هاوڵاتی ئەشكەنجە دراون و چواریشیان ژن بوون و سێ منداڵیش لە نێ, فڕێندراوەكاندا چارەنوسیان نادیارە.
وتەبێژی رێكخراوەكە راشیگەیاند: لە دەسپیكی قەیرانی سووریاوە هێزە چەكدارەكانی توركیا لە هێلی سنوری سوریا تا ئێستا 464 هاوڵاتی سڤیلیان كوشتووە.
ئەوەشی روونكردەوە سوپای توركیا و گروپەكانی سەر بەو وڵاتە بەشێوەیەكی بەرنامە بۆ داڕێژراو هەوڵی ڕووخانی ژینگەی كوردستان دەدەن و بۆ دروستكردنی رێگا لە نێوان گوندەكان دەستیان داوەتە بڕینەوەی دارەكان.