شاندێكی ئەنجوومەنی سوریای دیموكراتی بەشێوەیەكی فەرمی بانگهێشتی رووسیا كراون و لەگەڵ وەزیری دەرەوەی ئەو وڵاتە كۆدەبنەوە.
شاندێكی ئەنجوومەنی سوریای دیموكراتی (مەسەدە) بە سەرۆكایەتی ئیلهام ئەحمەد لە ئێٍتادا لە وڵاتی روسیان و بەگوێرەی زانیاریەكان شاندەكە بەشێوەیەكی فەرمی بانگهێشتی ئەو وڵاتە كراوە و كۆبوونەوە لەگەڵ سێرگی لاڤرۆڤ وەزیری دەرەوەی روسیا ئەنجام دەدەن.
شاندەكەی مەسەدە هەریەك لە سیهانووك دیبۆ، سەنحاریب بەرسووم، حیكمەت حەبیب، تیایدا بەشداریان كردووە، گفتوگۆ لەبارەی رێككەوتنی نەوتی ئیدارەی خۆسەری و ئەمریكا دەكەن.
ئەو شاندە ماوەی دوو رۆژە لە رووسیایە و برشیارە چەند كۆبوونەوەیەكی فەرمیش ئەنجام بدەن لەگەڵ چەند پارت و كەسایەتیەكی وڵاتەكەش كۆدەبنەوە بەڵام ئامانجدی سەرەكی كۆبوونەوەیە لەگەڵ لاڤرۆڤ.
ئەو سەردانەش دوای ئەو رێككەوتنە نەوتیەی نێوان ئیدارەی خۆسەری لە باكور و رۆژهەڵاتی سوریا دێت لەگەڵ كۆمپانیەیەكی ئەمریكی بۆ دەرهێنان و هەناردەكردنی نەوتی رۆژئاوای كوردستان، كە ناڕەزایی هەریەكە لە روسیا و ئێران و توركیا و سوریای لێكەوتەوە.