سۆرانی  |  بادینی  |  English      

لاهور شێخ جەنگی بەشداری مەراسیمی کردنەوەی چایخانەی شەعبی کرد

ئەمڕۆ سێشەممە ٦ـی٧ـی٢٠٢١، لاهور شێخ جەنگی هاوسەرۆکی یەکێتیی نیشتمانیی کوردستان، بە بۆنەی سەرلەنوێ کردنەوە و نۆژەنکردنەوەی، سەردانی چایخانەی شەعبی کرد و پیرۆزبایی لە خێزان و ستافی چایخانەکە و شار و خەڵکی سلێمانی کرد .

لاهور شێخ جەنگی ڕایگەیاند: ئەم چایخانەیە بووەتە ناوەندێکی کلتووری و ڕۆشنبیری و یەکێکە لە سیما و ڕەمزە دیار و یادگارییە جوانەکانی سلێمانی و مێژوویەکی دێرینی لەگەڵ هونەرمەندان و شاعیران و ڕۆشنبیران و نووسەران و ڕاگەیاندکاران هەیە و بە ماڵی دووەمی خۆیانی دەزانن، زیاتر لە ٧٠ ساڵە ئەم چایخانەیە لە خزمەت خەڵکی ئەم شارەدایە، وتیشتی: دەستخۆشی لە دەزگای مرۆیی مام دەکەم کە بە ڕەچاوکردن و پاراستنی مۆرکی تەلارسازیی شارەکە بە شێوازێکی جوان نۆژەنیان کردووەتەوە، ئەمەش هەنگاوێکی گرنگە بۆ بە زیندوو هێشتنەوە و پاراستنی شوێنە مێژوویی و دێرینەکان کە بوونەتە ناسنامەی شارەکە .