محه‌مه‌د شیاع سودانی سه‌رۆكوه‌زیرانی عێراق له سه‌ردانه‌كه‌یدا بۆ عومان دوو رێكه‌وتننامه و 24 یاداشتنامه‌ی لێکتێگەیشتنی له‌گه‌ڵ به‌رپرسانی ئه‌و وڵاته واژۆكرد.
نوسینگه‌ی راگه‌یاندنی سه‌رۆكوه‌زیرانی عێراق بڵاویکردەوە، محه‌مه‌د شیاع سودانی و شه‌هاب بن تاریق ئال سه‌عید جێگری سه‌رۆكوه‌زیرانی عومان سه‌رپه‌رشتی مه‌راسیمی واژۆكردنی دوو ڕێككه‌وتننامه و 24 یاداشتنامه‌ی لێكتێگه‌یشتن له بواره جیاجیاكانیان كرد.
- ڕێككه‌وتن له‌سه‌ر لێخۆشبونی ڤیزه‌ی هاوبه‌ش بۆ خاوه‌ن پاسپۆرتی دیپلۆماسی و تایبه‌ت و خزمه‌تگوزاری.
- ڕێككه‌وتن له‌سه‌ر دووركه‌وتنه‌وه له دوو باجدان و ڕێگریكردن له خۆدزینه‌وه له باج له‌سه‌ر داهات و سه‌رمایه.
- یاداشتنامه‌ی لێكتێگه‌یشتن له بواری داد و بابه‌ته یاساییه‌كان.
- یاداشتنامه‌ی لێكتێگه‌یشتن له بواری گه‌شتیاری.
- یاداشتنامه‌ی لێكتێگه‌یشتن له بواری به‌ڵگه‌نامه مێژوییه‌كان و به‌ڕێوه‌بردنی به‌ڵگه‌كان.
- یاداشتنامه‌ی لێكتێگه‌یشتن بۆ هاوكاری له بواره‌كانی وه‌رزش و لاوان.
- یاداشتنامه‌ی لێكتێگه‌یشتن له بواری نیشته‌جێبون و پلاندانانی شارستانی.
- یاداشتنامه‌ی لێكتێگه‌یشتن له بواری خوێندنی باڵا و توێژینه‌وه‌ی زانستی.
- یاداشتنامه‌ی لێكتێگه‌یشتن له بواری خوێندن و په‌روه‌رده.
- یاداشتنامه‌ی لێكتێگه‌یشتن له بواری ئاڵوگۆڕی زانیاری و هاوكاری هاوبه‌ش له كه‌رتی بازاڕی سه‌رمایه.
- یاداشتنامه‌ی لێكتێگه‌یشتن له بواری په‌یوه‌ندییه‌كان.
- یاداشتنامه‌ی لێكتێگه‌یشتن له بواری جێبه‌جێكردنی به‌رنامه‌كانی ڕاهێنان له به‌ڕێوه‌بردن و ئاماده‌كردنی سه‌ركرده.
- یاداشتنامه‌ی لێكتێگه‌یشتن بۆ هاوكاری له بواری ڕادیۆ و ته‌له‌فزیۆن.
- یاداشتنامه‌ی لێكتێگه‌یشتن له بواری چاودێری بانكی و سه‌قامگیری دارایی.
- یاداشتنامه‌ی لێكتێگه‌یشتن بۆ هاوكاری له بواری وزه.
- یاداشتنامه‌ی لێكتێگه‌یشتن له بواری په‌ره‌پێدانی ئاڵوگۆڕی بازرگانی و به‌ره‌وپێشبردنی هه‌نارده‌كردن.
- یاداشتنامه‌ی لێكتێگه‌یشتن له بواری خاوه‌ندارێتی فیكری.
- یاداشتنامه‌ی لێكتێگه‌یشتن له بواری ئاڵوگۆڕی شاره‌زایی بۆ بواری به‌ره‌وپێشبردنی كێبڕكێ و به‌ره‌نگاربونه‌وه‌ی قۆرخكاری.
- یاداشتنامه‌ی لێكتێگه‌یشتن له بواری پیشه‌سازی.
- یاداشتنامه‌ی لێكتێگه‌یشتن له بواری خۆجێیكردنی پیشه‌سازییه‌كانی به‌رگری.
- یاداشتنامه‌ی لێكتێگه‌یشتن له بواری به‌نده‌ر و لۆجستی له نێوان كۆمپانیای گشتی بۆ به‌نده‌ره‌كانی عێراق و گروپی ئه‌سیاد له سه‌ڵته‌نه‌ی عومان.
- یاداشتنامه‌ی لێكتێگه‌یشتن له بواری به‌بازاڕكردنی نه‌وتی خاوی عێراق.
- یاداشتنامه‌ی لێكتێگه‌یشتن له بواری هه‌ڵگرتنی نه‌وت.
- یاداشتنامه‌ی لێكتێگه‌یشتن له بواری بۆرسه.
- یاداشتنامه‌ی لێكتێگه‌یشتن له نێوان فیدراسیۆنی ژوره بازرگانییه‌كانی عێراق و ژوری بازرگانی و پیشه‌سازی عومان.
- یاداشتنامه‌ی لێكتێگه‌یشتن بۆ دامه‌زراندنی شارێكی زیره‌ك له پارێزگای كه‌ربه‌لا.