مەزڵوم کۆبانی، فەرماندەی گشتی هێزەکانی سوریای دیموکرات (هەسەدە) لەپێگەی فەرمی خۆی لەتویتەر باسی لەوەکرد،، ئەمڕۆ بەمەبەستی گفتوگۆکردن لەبارەی بەرەوپێشچوون و قۆناغەکانی دیکەی روبەڕوبونەوەی داعش بۆ مسۆگەرکردنی سەرکەوتنی بەردەوام هاوپەیمانی دژی داعش کۆدەبێتەوه، دەشڵێت، "دەبێت ئەوەشمان لەبیر نەچێت کە دەیان هەزار ژن و منداڵ و چەکداری داعش لە کەمپەکانی باکوور و رۆژهەڵاتی سوریا و زیندانەکاندا ماونەتەوە." 

فەرماندەی گشتی هێزەکانی سوریا دیموکرات ئاماژەی بەوەشکردووە، لەگەڵ هاوپەیمانیەتییەکە کار دەکەن بۆ گەڕانەوەی ئەو خەڵکە بۆ وڵاتەکانیان، دابینکردنی پاڵپشتیی خوێندن، بەرنامەی ڕیشەیی و بۆ نەهێشتنی بیری توندڕەوی.

بڕیارە ئەمڕۆ لە رۆمای پایتەختی ئیتاڵیا، کۆبوونەوەی هاوپەیمانیی نێودەوڵەتیی دژی داعش بەڕێوەبچێت و تیایدا، لە کۆبوونەوەکەدا وەزیرانی دەرەوەی 83 وڵاتی ئەندامی هاوپەیمانییەکە بەشدار دەبن و تاوتوێی مەترسییەکانی داعش لە عێراق و سوریا دەکەن. 

We call on the Coalition to help return these people to their home countries, fund education and de-radicalization programs, and support stability and strong economic recovery in the liberated areas to address the root causes of extremism.

— Mazloum Abdî مظلوم عبدي (@MazloumAbdi) June 27, 2021