بازرگانی هەرێم: بەشەخۆراکی سێ مانگ لە کۆگاکان ئامادەیە

  2023-01-24  | 
دۆسیە:  کوردستان
 تۆڕی هەواڵی ژیان
وەزارەتی بازرگانی لەبارەی بەشەخۆراکی مانگانەی هاوڵاتیانەوە دڵنیایی دەدات و دەڵێت، بەشەخۆراکی سێ مانگ لە کۆگاکان ئامادەیە و داوا لەهاوڵاتیان دەکەین ئەو بەشە خۆراکەی وەری دەگرن نەیفرۆشن



 نەوزاد کامیل، بەڕێوەبەری گشتی بازرگانی لە وەزارەتی بازرگانی و پیشەسازیی حکومەتی هەرێمی کوردستان رایگەیاند، بەشەخۆراکی مانگەکانی (کانوونی دووەم، شوبات و ئادار) لە کۆگاکان ئامادەیە و مانگانەش بەسەر بریکارەکانی خۆراک دابەشدەکرێت.

بەڕێوەبەری بازرگانی سەبارەت بەکاریگەری بەرزبوونەوەی بەهای دۆلار دڵنیایی دەداتە هاوڵاتیان دەڵێت، داوا لە هاوڵاتیان دەکەین بەهۆی بەرز و نزمی بەهای دۆلارەوە ماددە خۆراکییەکانی بەشەمانگانە کە وەریدەگرن نەفرۆشنەوە .

دەشڵێت،  بۆ ئەوەی نرخی ماددە خۆراکییەکان لە بازاڕدا زیاتر بەرزنەبێتەوە و هاوڵاتیان ناچارنەبن پێداویستی خۆیان بە نرخی زیاتر لە بازاڕدا بکڕن، پەلەدەکەن لە دابەشکردنی بەشەخۆراکی مانگانە لەکاتی خۆیدا، بۆ ئەوەی هاوڵاتیان سوودی لێوەرگرن و بۆ خۆراکی رۆژانەیان بەکاریبهێنن.