بەیانی ئەمڕۆ هەینی جارێکیتر بومەلەرزەیەک بەگوڕی ٥ پلە بە پێوەری رێکختەر پارێزگای مەڕەشی لە باکوری کوردستان هەژاند و هاوڵاتیانی ناوچەکە هەستیانپێکردوە
سەرۆکایەتی ئیدارەی کارەسات و باری لەناکاوی تورکیا (ئافاد) بڵاویکردەوە، بومەلەرزەکەی پارێزگای مەڕەش بەگوڕی ٥ پلە بە پێوەری رێکختەر بوە و کاتژمێر ٥:٥٣ خولەکی بەرەبەیانی ئەمڕۆ رویداوە.
ئەوەشی خستوەتەڕو، چەقی بومەلەرزەکەش گوندی دۆنگەڵ بوە و قوڵاییەکەی ٤.٠ کیلۆمەتر لە ژێر زەوییەوە بوە.
بەڵام تائێستا هیچ زانیارییەکی لەسەر بونی زیان لە ئەنجامی ئەو بومەلەرزەیە بڵاونەکردوەتەوە.