رووداوێكی هاتووچۆ له‌سه‌ر ڕێگای كه‌لار- كفر گیان له ده‌ستدانی لێكه‌وته‌وه.
به‌رێوه‌به‌رایه‌تی هاتووچۆی گه‌رمیان بڵاویكرده‌وه، ئێواره‌ی ئه‌مڕۆ شه‌مه 10ی2ی2024، لەسەر ڕێگای کەلار- کفری نزیك ناحیه‌ی ڕزگاری، دوو ئۆتۆمبێل له جۆری نیسان ناڤارا و تۆیۆتا لاندکرۆزەر كه بە ئاراستەی قەزای کفری ڕۆیشتوون پێکیاندادا و پاشان ئۆتۆمبێلی جۆری نیسان خۆی بە ستونێکی کارەبادا کێشاوه، بەهۆیەوە شۆفێری ئۆتۆمبێلی جۆری نیسان ناڤارا گیانی لەدەستدا و شۆفێری تۆیۆتا لاندکرۆزەریش برینداربوو.
ئاماژه‌ی به‌وه‌ش كردووه، ئەوکەسەی گیانی لەدەستداوە لەدایک بووی ساڵی 1983یه و دانیشتوی ناحیەی ڕزگارییە، لەئێستاشدا تیمی هاتووچۆ لێکۆڵینەوەیان لە ڕووداوەکە دەستپێکردووە سەبارەت بە چۆنێیەتی و هۆکاری ڕووداوەکە.