دیارینەکردنی سەرۆکێکی نوێ بۆ ئەنجومەنی نوێنەرانی عێراق پێی نایە مانگی سێیەمەوە و پەرلەمانتارێکی چوارچێوەی هەماهەنگیش دەڵێت: بەهۆی ڕێکنەکەوتنی لایەنە سیاسیەکان دۆخەکە گەشتوەتە قۆناغی چەقبەستن.
محەمەد عەلەوی، کەسایەتیەکی دیاری حزبی تەقدوم راگەیاند: ئەنجومەنی نوێنەرانی عێراق لەرابردوودا، لەچوار دانیشتندا شکستی هێناوە، کە تایبەت بووە بە هەڵبژاردنی سەرۆکێکی نوێ.
وتیشی: تائێستا هیچ لێکگەیشتنێک لەسەر پۆستی سەرۆکی پەرلەمان نەکراوە و لەم رۆژانەی دوایشدا بەهۆی سەرقاڵی لایەنەکان بە پێکهێنانی حکومەتە خۆجێییەکان، هیچ گفتوگۆیەک لەبارەی ئەو دۆسیەیە نەکراوە.
لای خۆیەوە عارف حەمامی، پەرلەمانتاری چوارچێوەی هەماهەنگی رایگەیاند: قەیرانەکە قوڵتربووەتەوە لەگەڵ بەردەوامی یەکلانەبوونەوەی.
ئاماژەی بەوەشکردووە، بەهۆی بەردەوامی ململانێ لەنێوان لایەنە سونیەکان و رێککنەکەوتنیان لەسەر کاندیدێک یاخود چارەسەرێکی مامناوەند، وایکردووە بگەنە قۆناغی چەقبەستن لەگەڵ راوەستانی تەواوی گفتوگۆکان لەئێستا، وتوشیەتی، پێشبینی دەکەن قەیرانەکە زیاتر درێژە بکێشێت و بەمنزیکانە چارەسەرێکی نەبێت.