بەبڕیاری سەرۆک وەزیرانی عێراق تەلبەنکردنی سنوری ئێران و هەرێمی کوردستان راگیرا
محەمەد شیاع سودانی سەرۆک وەزیرانی عێراق، ئەمڕۆ بڕیاریدا پرۆسەی تەلبەندکردنی سنوری نێوان هەرێمی کوردستان و کۆماری ئیسلامی ئێران رابگیرێت تا پێداچوونەوە دەکرێ و ئەو گلەیی و نارەزاییانە چارەسەر ئەکرێ کە لەبارەیەوە هەیە.
ئەم بڕیارەی سودانی لەکاتێکدایە دوای دەستکردن بە پرۆسەکە نارەزایەتی لێکەوتەوە، هاوکات هەر ئەمڕۆ خالید شوانی وەزیری دادی عێراق و عیماد ئەحمەد ئەندامی مەکتەبی سیاسی ، مامۆستا جەعفەر ، کاروان یاروەیس ئەندامی ئەنجوومەنی نوێنەرانی عیراق یاداشتێکیان ئاراستەی سەرۆک وەزیرانی عێراق کرد
دوای گەیشتنی یاداشتنامەکە بە سەرۆک وەزیرانی عێراق، سودانی بریاریدا کە وەزارەتی ناوخۆ پێداچوونەوە بە پرۆسەکە بکەن و هەموو ئەو ناڕەزاییانەی لەبارەی جهێشتنی زەوی و زاری عێراق و هەرێمی کوردستان بەهەند وەربگیرێت .