لە دوای کۆبوونەوەی ئەمڕۆی مەکتەبی سیاسی پارتی لە ڕاگەیەنراوێکدا ئاماژە بەوەدراوە، بە نەهێشتنی کورسی کۆتای پێکهاتەکان لەیاسای هەڵبژاردنی پەرلەمانی کوردستاندا، یەکێک لە گەرەنتیە سەرەکیەکانی هەڵبژاردنێکی ئازاد و بێگەرد و هەلی یەکسان و دادپەروەرانە لەهەرێمدا پێشێلکرا، چونکە سەرەڕای ئەوەی کە ئەوە پێشێلکردنی ویست و ئیرادەی هاووڵاتیانی هەرێمە لەمامەڵەکردن لەگەڵ بابەتێکی هەستیاری وەک پێکەوە ژیان و یەکتر قەبوڵکردندا، کە بووەتە ناسنامەی سەقامگیری و ئاشتەوایی کۆمەڵایەتی هەرێم.

باس لەوەشکراوە، بە بەرژەوەندی گەل و نیشتمانەکەمانی دەزانین کە پارتیمان نەچێتە ژێر باری پەسەند کردنی بریاری نادەستوریی و سیستەمێکی سەپێنراو لە دەرەوەی ئیرادەی گەلی هەرێمی کوردستان و دامەزراوە دەستورییەکانی و بەشداری هەلبژاردنێک نەکات کە بە نایاسایی و نادەستوری و لەسایەی سیستەمیکی سەپێنراودا بەڕێوەبچێت.