وەزارەتی پێشمەرگە ڕایگەیاند، هێزەكانی پێشمەرگە و سوپای عێراقی ئۆپەراسیۆنێكی هاوبەشیان ئەنجامدا.
بەگوێرەی راگەیەندراوی وەزارەتی پێشمەرگە، بەرەبەیانی ئەمڕۆ چوارشەممە، لیوای 14ی پیادەی وەزارەتی پێشمەرگە، بە هاوبەشی لەگەڵ لیوای 50ی پیادە و فەوجی مغاویری سەر بە فیرقەی 14ی سوپای عیراق، ئۆپەراسیۆنێكی هاوبەشیان ئەنجام دا.
لە ئۆپەراسیۆنەكەدا، كە ئامانج لێی گەڕان و پشكنین بوو بە دوای حەشارگە و مۆڵگەی چەكدارانی تیرۆریستی داعش لە ناوچەكەدا، هەردوو گوندی كوشاف، بناری چیای قەرەچوخ و كەناری رووباری زێی گەورە، كێوماڵ كران.