لیژنه هاوبه‌شه‌كانی قایمقامیه‌تی سلێمانی به‌هۆی سه‌رپێچی كردن له رێكاره‌كانی خۆپارێزی له ڤایرۆسی كۆرۆنا، دوو ریستۆرانتى دیکەیان تا كاتێكی نادیار داخست.
به‌هۆی پابه‌ندنه‌بون به مه‌رج و رێنماییه‌كانی ته‌ندروستی و رێكاره‌كانی خۆپارێزی، لیژنه‌ی ریستۆرانتی قائیمقامیه‌تی سلێمانی دو ریستۆرانتی گه‌شتیاری داده‌خات .
كوردۆ عه‌زیز سه‌رۆكی لیژنه‌ی ریستۆرانتی سه‌ر به لیژنه هاوبه‌شه‌كانی قایمقامیه‌تی سلێمانی رایگه‌یاند، ئەو دوو ریستۆرانتە گه‌شتیاریەى له سلێمانی داخران پێکهاتوون لە ریستۆرانته‌كانی (سمیت و سه‌حاب)، به‌بڕیاری قایمقامی سلێمانی تا كاتێكی نادیار داخران و خاوەنەکانیشیان رووبەڕووى رێکارى یاسایى دەکرێنەوە.
دەشڵێت، له‌لایه‌ن ژووری ئۆپراسۆنه‌كانی دژی ڤایرۆسی كۆرۆنا له‌شاری سلێمانی، لیژنه‌كانی قایمقامیه‌تی سلێمانی راسپێردراون هه‌رشوێنێك پابه‌ندی بڕیار و رێكاره‌كانی خۆپارێزی نه‌بوو شوێنه‌كه‌ی دابخه‌ن و خاوه‌نه‌كه‌شی رووبه‌ڕوی رێكاری یاسایی بكه‌نه‌وه .