بەرپرسانی باڵای پارتی بایکۆتی مەراسیمی ساڵیادی کوژرانی فەرەیدون جوانڕۆی فەرماندەی دیاری پارتی دیموکراتی کوردستان دەکەن و تا ئێستا هۆکارەکەی بەشداری نەکردنیان نادیارە و گومانی زیاتری لای کەسوکارەکەی دروست کردوە
دوێنێ دووشەمە لە هاوینە هەواری پیرمام ساڵیادی کوژرانی فەرەیدون جوانڕۆیی سەرکردە و فەرماندەی سەربازی دیاری پارتی دیموکراتی کوردستان بەڕێوەچوو، بەڵام ئەوەی کەسوکارەی زیاتر تووشی شۆککرد ئەوە بوو کە هیچ یەکێک لە بەرپرسانی باڵای پارتی ئاماددەی مەراسیمەکە نەبوون و بەهیچ شێوەیەک باسیان لە ساڵیادی مردنەکەی نەکردوە.
بەپێی زانیارییەکان، لە مەراسیمەکەدا تەنها کوڕ و کەسوکارەکەی بەشداربوون و هەندێک لەو پارتیانەی کە خەڵکی سنوری سلێمانی و ناوچەکانی دیکە بوون و ئێستا لە هەولێر نیشتەجێن.
شۆکبونی کەسوکارەی زیاتر بۆ ئەوە دەگەڕێتەوە کە فەرەیدون جوانڕۆیی ساڵانێکی زۆر لە ریزەکانی پارتی خزمەتی کردوە و چەندین پلە و پۆستی بالای لەناو ئەو حیزبە وەرگرتووە و تا ئاستی مەکتەبی و سیاسی و بەرپرسی میحوەری خازر بەرپرسیارییەتی وەرگرتووە، بەڵام پشتگوێ خستنی کەسوکارەکەی و بەشداری نەکردن لە ساڵیادی مردنەکەی کەسوکارەی توشی شۆکی گەورە کردوە.
ئەمە لەکاتێکدایە، فەرەیدون جوانڕۆی لە ساڵی 2015 لە رووداوێکی تەواو گوماناویدا کوژرا، بەڵام هەرزوو لەلایەن پارتی و بەرپسانی ئەمنی باڵای ئەو حیزبەوە چەندین سیناریۆی جیاواز لە بارەی ردووداوی مردنەکەیەوە باسکراو تاوەکو ئێستا بۆ کەسوکارەکەی روون نەکراوەتەوە کێ کوشتی و بۆچی کوژرا