سۆرانی  |  بادینی  |  English      

کتێبی هەمیشە جەللاد و هەردەم قوربانی

  2020-09-14  | 
 تۆڕی هەواڵی ژیان
بەرهەمێکى نوێى نووسەرى کورد یوسف عزەدین

یوسف عیزەدین یەکێکە لە نووسەرە دیار و پڕبەرهەمەکانى پاش ڕاپەڕین، ئەو لە زیاد لە بوارێکدا ئەزموونى نووسینى تاقیکردۆتەوە، لەوانە ڕۆمان، شیعر، چیرۆک، لێکۆڵینەوەى ئەدەبی و....، لە هەریەک لەو بورانەشدا جێگە دەستى دیارە و ناکرێت لە ڕۆمان و چیرۆک پاش ڕاپەڕین بدوێین و باز بەسەر ئەزموونى ئەم نووسەرەدا بدەین.

 یوسف نوێترین کتێبى پێکاهاتووە لە چەند بابەتێکى فیکریی لە میانى وتار و گفتوگۆدا، تایبەت بە تۆڕى هەواڵى ژیان ئەو نووسەرە وتى: پێکهاتەی کتێبەکە لەکۆمەڵێک گوزەردا خۆی دەبینێتەوەو دەرئەنجامی کۆمەڵێک بابەت و نووسین هاتۆتەبوون و بەگشتی کارکردنە لەوروژاندنی پرسیارگەلی فیکری و فەلسەفی ئەرگۆمێنتانەدا..

سەرەتا لەوتارە فیکرییەکانەوە دەست پێدەکات و دواتر دەچێتە سەر دیالۆگە هەستیارەکان و ئینجا دەگاتە کۆمەڵیک وەرگێرانی هەڵبژاردە لەزمانی تورکییەوە.. هەر هەمووشی لەمەداری تێڕوانینێکی تەفکیکیانەدا هەڵدەسووڕێت و مەبەستیەتی خوێنەر بەرەو دنیای پرسیارلەخۆکردن و تێڕامان و بەخۆداچوونەوە ببات.

 ئەم کتێبە ٢٨٦ لاپەڕەیەو لەچاپخانەی کارۆ چاپکراوە/سلێمانی٢٠٢٠