هونەرمەندی ڕاپەری کورد خەتەر لە ڕێگەی گۆرانییەکانییەوە توانیویەتی هەوادارادارێکی زۆر بۆ خۆی کۆبکاتەوە، ئەو لە ساڵی 1982 لە سنەی رۆژهەڵاتی کوردستان لەدایکبووە. ناوی تەواوی "ژیوار حیجابی"ـیە و لە وڵاتی ئەڵمانیا دەژی.

خەتەر نوێترین بەرهەمی بە ناوی "Maestro´s Grand Finale" بە شێوەی کلیپ بڵاوکردۆتەوە، کە وەک زۆرینەی گۆرانییەکانی دیکەی گوێگرێکی بەرچاوی هەیە و ڕۆژانە بینەرانی لە زیاد بووندان.

ئەو هونەرمەندە کوردە بە هەریەک لە زمانەکانی کوردی و ئەڵمانی گۆرانی ڕاپ دەڵێت و  ساڵی 2008 یەکەم ئەلبومی بڵاوکردووەتەوە، لە چەند مانگی ڕابردووشدا لەگەڵ نەوید زەردی گۆرانییەکیان بە شێوەی دووێت بڵاوکردەوە و قسەوباسێکی زۆریشی بە دوای خۆییدا هێنا .

ماوەتەوە ئاماژەی بۆ بکەنین ئەم کلیپە نوێیەی خەتەر لە دەرهێنانی رەوەز رەسووڵە و هەریەک لە Halim & Justin Kroll وەک ئەکتەر ڕۆڵی تێدا دەگێڕن.

لەو ڤیدیۆیەی خوارەوەدا بینەری کلیپە نوێیەکەی خەتەر بن: