سۆرانی  |  بادینی  |  English      

مەزڵوم عەبدی سوپاسی لاهور شێخ جەنگی و بافڵ تاڵەبانی دەکات

  2021-01-23  | 
 تۆڕی هەواڵی ژیان
مەزڵوم عەبدی فەرماندەی گشتی هێزەکانی سوریای دیموکرات لە پەیامێکدا سوپاسی لاهور شێخ جەنگی و بافڵ تاڵەبانی هاوسەرۆکانی یەکێتی دەکات، لە بەرامبەر پێشکەشکردنی پرسەنامەیەکیان بەهۆی کۆچی دوایی دایکییەوە.

مەزڵوم عەبدی لە پەیامەکەیدا نوسیویەتی، سوپاس و ستایشی هەستی ڕاستگۆیانە و پاکی بەڕێزتان دەکەم و هیوای بەردەوامی مانەوەتان بۆ دەخوازم.

مەزوڵم عەبدی ئاماژەی بەوەشکردووە "داوا لە خوای گەورە دەکەم بە خێر پاداشتان بداتەوە و سەرکەوتوو بن بۆ خزمەتکردنی گەلی کوردستان و ئازیزانتان لەدەست نەدەن".

لە کۆتایی پەیامەکەیدا مەزوڵم عەبدی ئەوەی خستووەتەڕوو، پێشتر کە پێکەوە کاریانکردووە، هیوادارە کاری زیاتری پێکەوەیی بکەن، بەوشێوەیەی کە خێر و خۆشی گەلی کوردی تێدایە.

ڕۆژی سێشەممە 2021/01/19 ، خەزنە حاجی حسێن دایکی مەزڵوم عەبدی فەرماندەی گشتی هەسەدە لە تەمەنی 87 ساڵیدا لە شارۆچکەی کۆبانێ لە ڕۆژئاوای کوردستان بە نەخۆشی دڵ کۆچی دواییکرد.