لە پرسی ئاڵادا بۆ ئەوانەی کە ئاڵاکە دەکەنە ئاڵای پارتی

ئارام ڕەفعەت

نوسەر و مامۆستا لە زانکۆی ئوتارا لە مالیزیا
  18/10/2020  |    1426 جار خوێندراوەتەوە

تەحەداتان دەکەم یەک بەیەک

ئەگەر 
لەسەدان وێنەی نێوان ١٩٤٦ تا ١٩٧٩ی مستەفا بارزانی، تاکە وێنەیەکی ئەوتان دەسکەوێت لەگەڵ ئاڵای کوردستاندا .

لەسەدان وێنەی نێوان ساڵانی ١٩٦١ تا ١٩٩١دا، تاکە وێنەیەکی مەسعود بارزانیتان دەسکەوێت لەگەڵ ئاڵای کوردستاندا .

لە هەزاران بەیاننامە و رۆژنامە و بڵاوکراوەی پارتی لە نێوان ١٩٦١ تا ١٩٩١ تاکە دانەیەکییان وێنەیەکی ئاڵای کوردستانی تێدابێت .

لە دەیان میتینگ و چاوپێکەوتن و راگەیاندنی رۆژنامەوانی نێوان ١٩٦١ تا ١٩٩١ تاکە وێنەیەکی ئاڵای کوردستان ببینن .

لەدوای راپەڕین و تا پێش ٣١ی ئاب، تەحەداتان دەکەم ئەگەر یەک دۆکومێنت یان یەک جەلسەی پەرلەمانی کوردستانتان دەسکەوێت کە پارتی تێیدا باسی ئاڵای کوردستانی کردبێت (رێک پێچەوانەکەی، پارتی رێگربوو لە تەبەننی کردنی ئاڵای کوردستان) .

لە ١٩٦١ تا ٢٠٢٠ تاکە یەک نموونەم بۆ بێننەوە کە پارتی بۆ یەک جاریش شەڕێک یان بەرگرییەکی لە ئاڵای کوردستان کردبێت .

بەڵێ تەحەداتان دەکەم .

یەک نموونەم بۆ بێننەوە، منیش دەڵێم راست دەفەرموون و نەفرەت لەو ئاڵایە، کە ئاڵای بنەماڵەیەکی خائین و گەندەڵە .

بەڵام ئەگە یەک بەڵگەتان پێنەبێت... ئەوا

ئەو ئاڵایە بەزۆر بەسەر پارتیدا مەسەپێنن و ئەو خزمەتە بەلاشەی پارتی مەکەن .

حەزتان لە کوردەبۆرەیی و ملتان بۆ ئاڵای فاشیست و خوێناوی و ئەنفالچی عێڕاق نەوی دەکەن و دڵتان بۆ مورتەزەقەیی لێدەدات، کەس رێی لێنەگرتوون و پیرۆزتان بێت... بەڵام کوردەبۆرەیی خۆتان بە ئاڵای کوردستان و ماسکی هیومانیزم و بنەماڵەی بارزانییەوە مەپێچنەوە

دوو تێبینی

یەکەم .

ئاڵای کوردستان لە ١٩٢٧ کۆمەڵەی خۆییبوون و شۆرشی ئارارات و دواتریش کۆماری مەهاباد و لە هەشتاکانیشدا پاسۆک و دواتریش لایەنگرانی پەکەکە لە باشور (هەڵبەت هەرکامێکییان بە ڤێرژنی کەمێک جیاوە) وەک ئاڵای کوردستانییان تەبەننی کردووە .

دووەم :

لە ١٩٤٦ تا ١٩٩٦ پارتی خۆی لەقەرەی ئەم ئاڵایە نەداوە و تا دوای روخانی سەدامیش جورئەتی نەبووە وەک ئاڵای هەرێم لە سەر بینا فەرمییەکانی هەرێم هەڵیبدات .

دواجار .

چ شەرمە لە سەدەی ٢١دا و چاخی ئەلەکترۆنیک و سۆشیال میدیادا بژیت و گەردیلەیەک وشیاریت نەبێت و پێتوابێت بەرگری کردن لە ئاڵا نەژادپەرەستی و فاشیزمە... ئەم ئەقڵە ژەنگاوییە تەنها لای کوردەبۆرە دەستدەکەوێت .