تەنها لە هەولێر لەمڕۆدا 202 كەس تووشبوونیان بە كۆرۆنا تۆماركراوە

  2020-08-01  | 
دۆسیە:  کۆرۆنا
 تۆڕی هەواڵی ژیان
ئامارەكانی كۆرۆنا لە شاری هەولێر و دهۆك بەشێوەیەكی بەرچاو بەرزدەبنەوە كۆی ژمارەی تووشبوانی كۆرۆنا لە هەرێم 14 هەزار كەسی تێپەڕكرد.

وەزارەتی تەندروستی هەرێم ئامارەكانی كۆرۆنای لە ماوەی 24 كاتژمێری رابردووی بڵاو كردەوە و رایگەیاند لەو ماوەیەدا دوو هەزار و 465 پشكنین ئەنجامدراوە و تیایدا 277 تووشبووی نوێی كۆرۆنا تۆماركراوە. 

وەزارەتەكە روونیكردووەتەوە تووشبووەكان 202كەسیان لە هەولێر بووە و 23 كەسیش لە سلێمانی و 3 كەسیش لە گەرمیان و 49 كەسیش لە دهۆك بووە. 

وەزارەتەكە روونیكردووەتەوە بەبێ ئامارەكانی چاكبوونەوە لە سلێمانی 94 كەس چاكبوونەتەوە و 10 كەسیش گیانیان لەدەستداوە كە حەوت كەسیان لە هەولێر بووە و دوو كەس لە گەرمیان و یەك كەس لە سلێمانی بووە. 

بەوەش ژمارەی ئەو كەسانەی تا ئێستا تووشی ڤایرۆسكە بوون 14 هەزار و 134 توشبووە و لە نێویاندا نۆ هەزار و 177 كەس چاكبوونەتەوە و 551 كەسیش گیانیان لەدەستداوە.