وتەبێژی وەزارەتی دەرەوەی ئێران هێرشەی هەولێر بۆ پاراستنی خاکی ئێران دەزانێت و دەڵێت: ئێمە هێرش ناکەینە سەر سەروەری خاکی عێراق.
ناسر کەنعانی وتەبێژی وەزارەتی دەرەوەی ئێران ڕایگەیاند، ڕێگە بەخۆمان نادەین سەروەری عێراق پێشێل بکەین، هێرشەکەی هەولێر ناکۆک نەبوو لەگەڵ سەروەری و یەکپارچەیی خاکی عێراق.
ئاماژەی بەوەشکرد، هەنگاوەکەی ئەم دواییەیان دژی عێراق و هەرێمی کوردستان نەبووە و بۆ پاراستنی ئاسایشی وڵاتەکەیان بێدەنگ نابن.