کەشناسی ئێران ڕایگەیاند، لەمڕۆوە تاوەکو ڕۆژی هەینی، باران و بەفربارین لە هەندێک لە پارێزگاکانی ئەو وڵاتە دەستپێدەکات.
بەپێی پێشبینییەکانی رێکخراوی کەشناسی ئێران، لە دوو ڕۆژی داهاتوودا لە ناوچەکانی باکوری ڕۆژئاوا، کەناراوەکانی دەریای قەزوین و بەرزاییەکانی پارێزگای ئەلبۆرز، بارانێکی بەلێزمە دەبارێت لەگەڵ هەورەتڕیشقە و بایەکی توند دەبێت.
ئاماژە بەوەشکراوە کە باران بارین لەو ناوچانە و باشوری پارێزگاکانی ئازەربایەجانی خۆرهەڵات و ئەردەبیل لە ئەمشەوەوە دەستپێدەکات و تاوەکو ڕۆژی هەینی بەردەوام دەبێت، لە هەندێک ناوچەی دیکەش بارانبارین بەشێوەی پچڕپچڕ دەبێت.
رێکخراوی کەشناسی ئێران ڕاشیگەیاندووە، پێشبینی دەکەن لە کۆتایی ئەم هەفتەیەدا و ڕۆژی هەینی، لە ناوچە شاخاوییەکانی ناوەندی پارێزگای ئەلبۆرز و بەرزاییەکانی باکوری ڕۆژئاوای ئەو وڵاتە بەفر ببارێت.