پرۆژەی هەژماری من مووچەخۆران ئاگادار دەکاتەوە کە بەهۆی پشووەکانی سەری ساڵەوە بۆ ماوەی 10 رۆژ کارەکانیان رادەگرن، بەڵام دوای کۆتایهاتنی پشووەکان دەستپێدەکەنەوە
پرۆژەی هەژماری من رایگەیاند: بەهۆی پشووی سەری ساڵەوە 10 ڕۆژ پرۆسەکە دەوەستێت، دواتر بەخێرایی کار لەسەر تۆمارکردنی کەسوکاری شەهیدان و زیندانیانی سیاسی دەکرێت، کە هەفتەیەکە پرۆسەکە دەستی پێکردووە، میکانیزمەکە وەک خۆی بەردەوام دەبێت تا دەگاتە یەک ملیۆن مووچەخۆر.
ئاماژەی بەوەشداوە: بەگشتی هێشتا نزیکەی 300 هەزار مووچەخۆر ماون خۆیان لە هەژماری من تۆمار بکەن، زۆربەیان خاوەن پێداویستییە تایبەتەکان، چاودێری کۆمەڵایەتی، فەرمانبەرانی گرێبەست و بەشێکی فەرمانبەران و خانەنشینان.
ئەوەش هاتووە: گفتوگۆ لەگەڵ بەغدا کراوە، دابەشکردنی مووچە بە کاش لە 2026 بەردەوام دەبێت و مووچەی هیچ مووچەخۆرێک بەهۆی ھەژماری من ڕاناگیرێت، بەڵام دەبێت لە چەند مانگێک هەموو مووچە ببێتە دیجیتاڵی.