وتەبێژى وەزارەتى تەندروستى هەرێم رایگەیاند، شاندێکى وەزارەتى تەندروستى هەرێم بە سەرۆکایەتى سامان بەرزنجى گەیشتە بەغدا و بڕیارە لەگەڵ شانەى قەیرانەکان و وەزیرى تەندروستى عێراق کۆببنەوە.
محەمەد قادر خۆشناو وتەبێژی وەزارەتی تەندروستی
هەرێم بە (تۆڕى هەواڵى ژیان)ى راگەیاند، ئەمڕۆ شاندێکى وەزارەتى تەندروستى بە
سەرپەرشتى سامان بەرزنجى وەزیرى تەندروستى گەیشتنە بەغدا و بریارە هەر ئەمڕۆ لەگەڵ
حەسەن تەمیمی وەزیری تەندروستیی عێراق و شانەی قەیرانەکان کۆببنەوە.
وتیشى،
ئامانجى سەردانەکە بۆ تاوتوێکردنى دواین گۆڕانکاریەکانە لەسەر ئاستى کوردستان و
عێراق، بەتایبەت پرسى کۆرۆنا و گفتوگۆکردنى ئەو پرسانەى ئەگەرى هاتنە پێشیان هەیە.
سەردانەکەى ئەم شاندەى وەزارەتى تەندروستى دواى کۆبوونەوەى دوێنى
ئەنجومەنى وەزیران و لیژنەی باڵای وەزاری بۆ رووبەڕووبوونەوەی
ڤایرۆسی کۆرۆنا دێت، کە لە یەکێک لە بڕیارەکانی کۆبوونەوەکەدا هەردوو وەزارەتی تەندروستی
و ناوخۆ و فەرمانگەی پەیوەندییەکانی دەرەوە بۆ پەیوەندیکردن و سەردانیکردنی لایەنە
پەیوەندیدارەکان لە حکومەتی عێـراق راسپێردران.