لەسەر بۆردومانە بەردەوامەکانی تورکیا لە قوڵای خاکی هەرێم، کۆمەڵی دادگەریی کوردستان نیگەرانی خۆی دەردەبرێت و دەڵێت، "نابێ هیچ هێزێکی سیاسیش پاساو بداتە وڵاتانی دراوسێ بە بۆردومانکردن و کوشتنی بە ناحەقی هاووڵاتیانی هەرێم".
دەقی راگەیەندراوی کۆمەڵی دادگەریی کوردستان :
بەناوی خوای بەخشندەی میهرەبان
و وێرانکردنی گوند و ناوچەکانی هەرێمی کوردستان و کوشتنی هاووڵاتیانی مەدەنیی لەلایەن درۆن و فڕۆکەوە، بەداخەوە خەریکە دەبێتە دیاردەیەکی ڕۆژانە.
ئەم دەستدرێژیی و بەقوربانیکردنەی خەڵکە بێتاوانەکەی هەرێم، لەسایەی بێدەسەڵاتیی حکومەتی کاربەڕێکەری هەرێم و بێدەنگیی حکومەتی عێراق بەڕێوەدەچێت.
ئەرکی هەردوو حکومەتە کە هەنگاوەکانی کوتایی هێنان بەم دۆخە بگرنەبەر و ئەوان بەرپرسیارن لە پاراستنی سەر و ماڵی هاووڵاتیان.
نابێ هیچ ھێزێکی سیاسیش پاساو بداتە وڵاتانی دراوسێ بە بۆردومانکردن و کوشتنی بە ناحەقی هاووڵاتیانی هەرێم.
ئێمە لە کۆمەڵی دادگەریی کوردستان، بە توندی ئەو دەستدێژیی و تاوانانە مەحکوم دەکەین.
وتەبێژی کۆمەڵی دادگەریی کوردستان
٥/٩/٢٠٢٤