ماریا کۆرینا ماچادۆ سەرۆکی ئۆپۆزسیۆنی ڤەنزوێلا و براوەی خەڵاتی نۆبڵی ئاشتی، لە یەکەم پەیامیدا دوای دەستگیرکردنی مادۆرۆ رایگەیاند، "ئۆپەراسیۆنەکەی ئەمریکا لە ڤەنزوێلا و دەستگیرکردنی مادۆرۆ دەریدەخات کە دۆناڵد ترەمپ شایستەی خەڵاتی نۆبڵی ئاشتییە".
ماریا کۆرینا ماچادۆ بە فۆکس نیوزی وتووە: کاتێک خەڵاتی نۆبڵی ئاشتیم وەرگرت، پێم وابوو ئەو خەڵاتە شایەنی دۆناڵد ترەمپە ،چونکە لەڕاستیدا زۆربەی خەڵک پێیان وایە ئەوەی لە ٣ی١ی٢٠٢٦، ئەنجامیدا کارێکی ئەستەم بوو.
ئاماژەی بەوەشکرد: دەستگیرکردنی مادورۆ ئەوەی پشتڕاستکردەوە کە ترەمپ شایستەی خەڵاتەکە بووە،روونیشیکردەوە: بەھۆی کارەکانی ترەمپەوە، ڤەنزوێلا دەبێتە ھاوپەیمانی سەرەکی ئەمریکا لە ناوچەکەدا.
خەڵاتی نۆبڵی ئاشتی ساڵی ٢٠٢٥ بەخشرایە ماریا کۆرینا ماچادۆ بەھۆی "ھەوڵە بێوچانەکانی" بۆ پێشخستنی مافە دیموکراسیەکانی گەلی ڤەنزوێلا.