نورەدین عوسمان،بەڕێوەبەری گشتیی ئەزموونەکان لە وەزارەتی پەروەردە رایگەیاند: پرسیارەکان هیچ هەڵەیەکی تێدا نییە و بێ کەموکوڕین، سەرجەمیان لە چوارچێوەی پەرتووکی قوتابیدان.
ئاماژەی بەوەشداوە: ئەو هاتوهاوارەی دروست بووە بەهۆی ئەوەیە پرسیارەکان لەسەر شێوازی "مەلزەمە" نەبوون، ئەمەش زیانی بە بازرگانانی مەلزەمە گەیاندووە و ئەوانن ناڕەزایەتییەکان دروست دەکەن.
وتیشی: هەر قوتابییەک پێی وایە پرسیار هەڵەی تێدایە، با بە بەڵگەوە سەردانمان بکات؛ ئەگەر بیسەلمێنێت، بێگومان نمرەکەی بۆ دەگەڕێنینەوە، کێشە لە ڕیزبەندیی دێڕ و وشەکاندا بوونی نییە، ئەوەش کاریگەری لەسەر وەڵامی دروست ناکات.