بۆریس جۆنسۆن سەرۆك وەزیرانی بەریتانیا بەڵێنیدا بە تەرخانكردنی دوو ملیار و 600 ملیۆن دۆلار، بۆ پرۆژەكانی پشتیوانیكردنی ڕِۆیشتن بە پێی و بەكارهێنانی پاسكیل لە وڵاتەكەیدا .
ئەو هەنگاوەی سەرۆك وەزیرانی بەریتانیا بەمەبەستی باشتركردنی تەندروستی گشتی و وازهێنان لە بەكارهێنانی زۆری ئۆتۆمبێل، بە تایبەت لەم دۆخەی تایبەت بە كۆرۆنادا .
سەرۆك وەزیرانی بەریتانیا هانی هاوڵاتیەكانیشیدا بایەخ زیاتر بدەن بە وەرزش و جەستەی خۆیان .
جۆنسۆن وتی "پاسكیلسواری و بەپێ ڕۆیشتن ڕۆڵی گەورەیان دەبێت، بۆ مامەڵەكردن لەگەڵ هەندێك لە ڕێگرییە گەورەكانی تەندروستی و ژینگە، كە روبەرومان دەبێتەوە، هەموو ئەو كارانەش لەچوارچێوەی هەوڵەكانە بۆ ئەوەی هاوڵاتیان تەندروستیان باش بێت و كەمتر تووشی كۆرۆنا و نەخۆشییەكانی دیكە ببن ".
ئەو هەنگاوانەی حكومەت لەكاتێكدایە بە نیازە لەدوای كاتژمێر حەوتی ئێوارەوە، هێلی سور دیاری بكات بۆ ڕیكلامەكانی تایبەت بە خواردنە خێراكان لە تەلەفزیۆنییەكان و ماڵپەڕەكانی ئینتەرنێت .
هەموو ئەو پلان و هەنگاوانەی حكومەتی بەریتانیا بە ئامانجی كەمكردنەوەی سەردانیكردنی ناوەندەكانی تەندروستییە، كە لەگەڵ هاتنەوەی وەرزی زستاندا ناچارن زیاتر سەرقاڵ ببن بە ڤایرۆسی كۆرۆنا و هاتنەوەی پەتا وەرزییەكانش لەو كاتەی ساڵدا .
بۆ سەرختسنی پلانەكەش، حكومەتی بەریتانیا بەنیازە بە هەزاران میل ڕێگای تایبەت بە پاسكیلسواری دروست بكات و سەنتەرێكی تایبەتی گواستنەوەش بنیات بنێت كە تەواو دووربێت لە گازە زیانبەخشەكان و كارئاسانی بۆ بەدەستهێنانی پاسكیلی كارەبایی .