ئاماژەی بەوەشکردووە، لە دیدارەکەدا دەربارەی دۆخی سیاسی و ئەمنی و خزمەتگوزاری لە عێراق گفتوگۆكراوە ، ھەروەک پێشهاتە تەندروستییەکان کە بەهۆی پەتای كۆرۆنا ھاتووەتە پێش و دیاریكردنی شێوازی گونجاو بۆ سنورداركردنی دەرهاویشتە تەندروستی و ئابورییەكانی وڵات، تاوتوێکراوە .

ئەوەشی خستووەتەڕوو، هەر لە دیدارەکەدا جەختکراوەتەوە لە پێویستی ئەنجامدانی هەڵبژاردنی پێشوەختەی پاك و بێگەرد، وەك دەستكەوتێكی نیشتمانی و كۆڵەكەیەكی بنەرەتی بۆ هەنگاونان بەرەو چاكسازییە گرنگەکان، لەهەمانکاتدا گرنگی تەواوكردنی یاسایی هەڵبژاردنەكان لەلایەن ئەنجومەنی نوێنەران و ناردنی بۆ سەرۆكایەتی كۆمار، بەپێویست زانراوە .

هاوکات سەرۆک کۆمار و سەرۆکی پەرلەمانی عێراق، جەختیان لە بەھێزکردنی پەیوەندی و هەماهەنگی و کاری هاوبەش بۆ چارەسەرکردنی سەرجەم کێشە ھەڵپەسێردراوەکانی نێوان ھەردوو حكومەتی فیدراڵی و حكومەتی هەرێمی کوردستان لەسەر بنەمای دەستوور کردووەتەوە، بەجۆرێک ببێتە مایەی پاراستنی مافی ھاوڵاتیان و مووچەخۆران و ھێنانەدی ژیانێکی خۆشگوزەران و ئازاد بۆ ھەموو ھاووڵاتیان .

لە کۆتایی دیدارەکەدا دواین پەرەسەندنەكان لەسەر ئاستی هەرێمایەتی و نێودەوڵەتی گفتوگۆی لەبارەوەکراوە و ھەردوولا جەختیانکردووەتەوە، لەپێویستی پشتیوانیكردنی هەوڵە نێودەوڵەتییەكان بۆ پتەوكردنی ئاشتی لە ناوچەكەدا.

ئێوارەی ئەمڕۆ محەمەد حەلبوسی سەرۆكی ئەنجومەنی نوێنەرانی عێراق گەیشتە فڕۆکەخانەی نێودەوڵەتی سلێمانی و لەلایەن هەڤاڵ ئەبوبەکر پارێزگاری سلێمانی پێشوازی لێکرا.