سۆرانی  |  بادینی  |  English      

ئەو سێ کەسەى لە دهۆک خنکاون تەرمى یەک کەسیان دۆزراوەتەوە

  2020-06-14  | 
دهۆک
 تۆڕی هەواڵی ژیان
وتەبێژی بەڕیوبەرایەتی بەرگری شارستانی دهۆک ڕایگەیاند، لە و سێ کەسەى لە ماوەى 48 کاتژمێرى رابردوودا لە سنوری پارێزگای دهۆک خنکاون، تەنها تەرمی یەک کەسیان دۆزراوەتەوە.

بێوار عەبدول وتەبێژی بەڕێوبەرایەتی بەرگری شارستانی دهۆک بە (تۆڕی هەواڵی ژیان)ی ڕاگەیاند، لە ماوەی ٤٨ کاتژمێری ڕابردوو لە سنوری پارێزگای دهۆک لە ناحیەی شیلادزێ سەر بەقەزای ئامێدی ٣ هاوڵاتی خنکاون و تەرمی یەک کەسیان دۆزراوەتەوە و ئەو دوو کەسەى دیکەیان تا ئێستا نەدۆزراونەتەوە و گەڕان بەدواى تەرمەکانیان بەردەوامە.

ئەمە دواى ئەوەدێت، ئەمساڵ لە سنورى پارێزگاى دهۆک 11 کەس خنکاون، بەڵام لەمساڵدا بەهۆى قەدەغەى هاتوچۆ و بڵاوبوونەوەى ڤایرۆسى کۆرۆنا رێژەى خنکان کەمبووەتەوە.