لە پەیوەندییەکی تەلەفۆنیدا مەسعود بارزانی سەرۆکی پارتی دیموکراتی کوردستان و مستەفا کازمی سەرۆک وەزیرانی عێراق گفتۆگۆیانکرد سەبارەت بە ئاساییکردنەوەی دۆخی شنگال .
بارەگای بارزانی لە ڕاگەیەندراوێکدا بڵاویکردەوە، ئێوارەی ئەمڕۆ ھەینی لە پەیوەندییەکی تەلەفۆنیدا مەسعود بارزانی و مستەفا کازمی سەرۆک وەزیرانی عێراق گفتوگۆیات کردووە دەربارەی ڕێککەوتنی نێوان حکومەتی عێراقی فیدڕاڵ و حکومەتی ھەرێمی کوردستان دەربارەی ئاساییکردنەوەی بارودۆخی شنگال .
وەک لە راگەیەندراوەکەدا ئاماژەی پێکراوە، لەو پەیوەندییە تەلەفۆنییەدا ھەردوولا خۆشحاڵیی خۆیان بۆ ئەو ڕێککەوتنە گرنگە دەربڕی و جەختیشیان لەوە کردەوە کە ڕێککەوتنی لەمشێوەیە ئاماژەیە بۆ بەھێزبوونی متمانەی نێوان حکومەتی فیدڕاڵی عێراق و حکومەتی ھەرێمی کوردستان .